有目屎的男性
《有目屎的男性》Ū Ba̍k-sái ê Lâm-sìng
七郎Tshit-lông
——————————————
為真情
uī tsin-tsîng
為真愛
uī tsin-ài
無疑情海起風颱
bô-gî tsîng-hái khí hong-thai
燒酒啉落腹肚內
sio-tsiú lim lo̍h pak-tóo-lāi
聲聲無奈又感慨
siann-siann bô-nāi iū kám-khài
男性心情誰了解
lâm-sìng sim-tsîng siáng liáu-kái
誰了解
siáng liáu-kái
總是為著愛
tsóng-sī uī-tio̍h ài
做一个純情男性
tsuè tsi̍t-ê sûn-tsîng lâm-sìng
有血有目屎
ū hueh ū ba̍k-sái
若是為著愛情失敗
nā-sī uī-tio̍h ài-tsîng sit-pāi
心內痛苦你敢知
sim-lāi thòng-khóo lí kám tsai
免怨嘆
bián uàn-thàn
免悲哀
bián pi-ai
提出男性的氣概
the̍h tshut lâm-sìng ê khì-khài
無疑情愛填落苦海
bô-gî tsîng-ài thiām lo̍h khóo-hái
十字路口咧徘徊
si̍p-jī-lōo-kháu teh pâi-huê
你若真情來對待
lí nā tsin-tsîng lâi tuì-thāi
來對待
lâi tuì-thāi
感激在心內
kám-kik tsāi sim-lāi
做一个純情男性
tsuè tsi̍t-ê sûn-tsîng lâm-sìng
有血有目屎
ū hueh ū ba̍k-sái
毋通耽誤女性將來
m̄-thang tam-gōo lú-sìng tsiong-lâi
真情真愛才應該
tsin-tsîng tsin-ài tsiah ing-kai
