孤女的命運
《孤女的命運》Koo-lú ê Miā-ūn
方瑞娥Png Suī-ngôo
——————————————
稀微的月暗暝
hi-bî ê ge̍h-àm-mî
只有幾粒星
tsí-ū kuí-lia̍p tshinn
陪伴阮在異鄉
puê-phuānn gún tsāi ī-hiong
無聊過深更
bô-liâu kuè tshim-kinn
若想起親愛的爸爸唷
nā siūnn-khí tshin-ài ê pá-pah–iooh
毋知踮佗位
m̄-tsai tiàm tó-uī
放捒阮孤一个
pàng-sak gún koo tsi̍t-ê
變成流浪兒
piàn-sîng liû-lōng-jî
離開著阮故鄉
lī khui tio̍h gún kòo-hiong
流浪他鄉里
liû-lōng thann-hiong-lí
毋是阮愛放蕩
m̄-sī gún ài hòng-tōng
環境來所致
khuân-kíng lâi sóo-tì
若想起親愛的媽媽唷
nā siūnn-khí tshin-ài ê má-mah–iooh
加添心稀微
ka-thiam sim hi-bî
啥人欲相同情
siánn-lâng bueh sio tông-tsîng
孤單小女兒
koo-tuann sió-lú-jî
