冷暖的社會
《冷暖的社會》Líng-luán ê Siā-huē
方瑞娥Png Suī-ngôo
——————————————
夢中幾若回
bāng-tiong kuí-lō huê
目屎滴落地
ba̍k-sái tih lo̍h-tē
夢中幾若回
bāng-tiong kuí-lō huê
想欲來相會
siūnn-bueh lâi siong-huē
也毋知人情冷暖的社會
iā m̄-tsai jîn-tsîng líng-luán ê siā-huē
毋是阮無情
m̄-sī gún bô-tsîng
只嘆阮薄命
tsí thàn gún po̍k-bīng
若是向神明
nā sī ǹg sîn-bîng
總是會同情
tsóng-sī ē tông-tsîng
只要等待來相會
tsí-iàu tán-thāi lâi siong-huē
付出犧牲有代價
hù-tshut hi-sing ū tāi-kè
風雨總是也經過
hong-hōo tsóng–sī iā king-kuè
人生毋是一句話
jîn-sing m̄-sī tsi̍t-kù uē
啊~冷暖的社會
ah~ líng luán ê siā-huē
冷暖的社會
líng-luán ê siā-huē
有苦也著忍耐
ū khóo iā tio̍h jím-nāi
有苦也著忍耐
ū khóo iā tio̍h jím-nāi
