人生的路途
《人生的路途》Jîn-sing ê Lōo-tôo
方瑞娥Png Suī-ngôo
——————————————
心愛的彼个人
sim-ài ê hit ê lâng
毋通閣糊塗
m̄-thang koh hôo-tôo
做人著愛有理智
tsuè-lâng tio̍h-ài ū lí-tì
才有光明路
tsiah ū kong-bîng lōo
安份守己
an-hūn-siú-kí
去創造自己的前途
khì tshòng-tsō tsū-kí ê tsiân-tôo
千萬毋通來錯誤
tshian-bān m̄-thang lâi tshò-gōo
行入烏暗路
kiânn ji̍p oo-àm-lōo
心愛的彼个人
sim-ài ê hit ê lâng
毋通來嘆氣
m̄-thang lâi thàn-khì
請你聽阮的交代
tshiánn lí thiann gún ê kau-tài
勇敢向前去
ióng-kám hiòng-tsiân khì
雖然暫時來失敗
sui-jiân tsiām-sî lâi sit-pāi
著愛有志氣
tio̍h-ài ū tsì-khì
若有認真來拍拚
nā ū jīn-tsin lâi phah-piànn
總會出頭天
tsóng ē tshut-thâu-thinn
