啥人較花
《啥人較花》Siánn-lâng Khah Hue
袁小迪Uân Sió-ti̍k
——————————————
你講欲佮我約會
lí kóng beh kah guá iok-huē
為何你放鳥去飛
uī-hô lí pàng-tsiáu khì pue
今仔日揣你來講詳細
kia̋nn-ji̍t tshē lí lâi kóng siông-sè
是毋是嫌阮傷花
sī-m̄-sī hiâm gún siunn hue
抑是你比我較花
ia̍h-sī lí pí guá khah hue
毋知咧無閒啥貨
m̄-tsai teh bô-îng siánn-huè
講啥物嫌阮真歹揣
kóng siánn-mih hiâm gún tsin pháinn tshē
家己揣別人去約會
ka-kī tshē pa̍t-lâng khì iok-huē
你放阮孤單一个
lí pàng gún koo-tuann tsi̍t-ê
踮公園等你規暝
tiàm kong-hn̂g tán lí kui-mê
無閒佮蠓仔交陪
bô-îng kah báng-á kau-puê
怨嘆你共阮放風吹
uàn-thàn lí kā gún pàng-hong-tshue
逐改呼你攏無回
ta̍k-kái khoo lí lóng bô huê
半暝你才有電話
puànn-mî lí tsiah ū tiān-uē
啉燒酒你閣會花
lim sio-tsiú lí koh ē hue
毋知是啥人較花
m̄-tsai sī siánn-lâng khah hue
—
怨嘆你共阮放風吹
uàn-thàn lí kā gún pàng-hong-tshue
呼機仔呼你攏無回
khoo-ki-á khoo lí lóng bô huê
半暝你才有電話
puànn-mî lí tsiah ū tiān-uē
啉燒酒你閣會花
lim sio-tsiú lí koh ē hue
拄著你
tú-tio̍h lí
我有夠衰
guá ū-kàu sue
