啥人無理想
《啥人無理想》Siánn-lâng Bô Lí-sióng
袁小迪Uân Sió-ti̍k
——————————————
想著心愛的面容
siūnn-tio̍h sim-ài ê bīn-iông
不時浮在腦海中
put-sî phû tsāi náu-hái tiong
若莫個性遮倔強
nā mài kò-sìng tsiah ku̍t-kiông
也免愛情受創傷
iā bián ài-tsîng siū tshong-siong
啊~講來講去
ah~ kóng-lâi-kóng-khì
總是你我各有理想
tsóng-sī lí guá kok ū lí-sióng
也免講是啥人心肝雄
iā bián-kóng sī siánn-lâng sim-kuann hiông
有人落海
ū-lâng lo̍h-hái
嘛是姑不將
mā sī koo-put-tsiong
心愛的
sim-ài–ê
你著愛堅強
lí tio̍h-ài kian-kiông
毋通為錢來影響
m̄-thang uī tsînn lâi íng-hióng
毋通虛華轉方向
m̄-thang hi-hua tsuán hong-hiòng
才袂後悔心悲傷
tsiah buē hiō-hué sim pi-siong
