今夜我欲啉予醉
《今夜我欲啉予醉》Kim-iā Guá Beh Lim Hōo Tsuì
袁小迪Uân Sió-ti̍k
——————————————
自從無你在身邊
tsū-tsiông bô lí tsāi sin-pinn
只有酒矸仔
tsí-ū tsiú-kan-á
伴阮過日子
phuānn gún kuè ji̍t-tsí
今夜我欲啉予醉
kim-iā guá beh lim hōo tsuì
毋免啥人來安慰
m̄-bián siánn-lâng lâi an-uì
這杯敬你放我做你去
tsit pue kìng lí pàng guá tsuè lí khì
這杯敬我毋想你
tsit pue kìng guá m̄ siūnn lí
這款茫茫
tsit khuán bâng-bâng
茫茫的日子
bâng-bâng ê ji̍t-tsí
毋知天光抑暗暝
m̄-tsai thinn kng ia̍h àm-mî
負心的人
hū-sim ê lâng
啊~負心的人
ah~ hū-sim ê lâng
叫我怎樣
kiò guá tsuánn-iūnn
怎樣袂恨你
tsuánn-iūnn buē hūn lî
怎樣袂恨你
tsuánn-iūnn buē hūn lî
