為伊天天醉
《為伊天天醉》Uī I Thian-thian Tsuì
廖婉君Liāu Uán-kun
——————————————
一滴一滴的雨水
tsi̍t-tih-tsi̍t-tih ê hōo-tsuí
拍在一片一片的心碎
phah tsāi tsi̍t-phìnn-tsi̍t-phìnn ê sim tshuì
已經無人為我抾起
í-king bô-lâng uī guá khioh khí
一暝一暝的酒醉
tsi̍t-mî-tsi̍t-mî ê tsiú-tsuì
啉落一杯一杯
lim lo̍h tsi̍t-pue-tsi̍t-pue
毋願醒
m̄-guān tshínn
以為我已經無所謂
í-uî guá í-king bû-sóo-uī
橫直伊也毋管阮生死
huâinn-ti̍t i iā m̄-kuán gún senn-sí
聽見野鳥為我啼
thiann-kìnn iá-tsiáu uī guá thî
看見離水彼尾魚
khuànn-kìnn lî-tsuí hit bué hî
阮的情
gún ê tsîng
為何毋值錢
uī-hô m̄-ta̍t tsînn
伊對千金
i uì tshian-kim
變成心像鐵
piàn-sîng sim tshiūnn thih
阮的痴情
gún ê tshi-tsîng
親像紙拆碎
tshin-tshiūnn tsuá thiah-tshuì
苦是我咧食
khóo sī guá teh tsia̍h
別人享受甜
pa̍t-lâng hiáng-siū tinn
我也毋是輸袂起
guá iā m̄-sī su buē-khí
只是毋值為伊天天醉
tsí-sī m̄-ta̍t uī i thian-thian tsuì
