感情問題
《感情問題》Kám-tsîng Būn-tê
曾心梅Tsan Sim-muî
——————————————
漸漸來感覺
tsiàm-tsiām lâi kám-kak
你冷淡的心肝底
lí líng-tām ê sim-kuann-té
今仔日的約會
kin-á-ji̍t ê iok-huē
若像最後一回
ná-tshiūnn tsuè-āu tsi̍t-huê
對血型的差別
tuì hueh-hîng ê tsha-pia̍t
到個性的問題
kàu kò-sìng ê būn-tuê
對環境
tuì huân-kíng
講到咱無四配
kóng kah lán bô sù-phuè
啊~愛情愛情愛情
ah~ ài-tsîng ài-tsîng ài-tsîng
若免用心交陪
nā bián iōng-sim kau-puê
當初哪著只愛你一个
tong-tshoo án tio̍h tsí ài lí tsi̍t-ê
若假使講
nā khá-sú kóng
假使講分手
khá-sú kóng hun-tshiú
阮若會較好過
gún nā ē khah hó-kuè
如今哪著目屎一直掰
jû-kim ná tioh ba̍k-sái it-ti̍t pué
—
啊~愛情愛情愛情
ah~ ài-tsîng ài-tsîng ài-tsîng
若攏無相欠債
nā lóng bô sio-khiàm-tsè
當初哪有山盟海誓
tong-tshoo ná ū san-bîng hái-sè
若假使講
nā khá-sú kóng
假使講分手
khá-sú kóng hun-tshiú
阮若會較好過
gún nā ē khah hó-kuè
如今哪著目屎一直掰
jû-kim ná tioh ba̍k-sái it-ti̍t pué
