咱的幸福
《咱的幸福》Lán ê Hīng-hok
路秀蘭Lōo Siù-lân
——————————————
我一生有你來惜
guá it-sing ū lí lâi sioh
管待伊情路有偌苦
kuán-thāi–i tsîng-lōo ū guā khóo
情淚替我問結果
tsîng-luī thè guá mn̄g kiat-kó
頂世人咱是翁仔某
tíng-sì-lâng lán sī ang-á-bóo
夜夜想你
iā-iā siūnn lí
等你轉來抱
tán lí tńg-lâi phō
恬恬望你的跤步
tiām-tiām bāng lí ê kha-pōo
我欲愛你
guá beh ài lí
愛甲天地攏怨妒
ài kah thinn-tē lóng uàn-tòo
無論偌濟的風雨
bô-lūn guā-tsuē ê hong-hōo
就算緣薄無奈何
tiō-sǹg iân po̍h bô-nāi-hô
我已經慣勢有你對我好
guá í-king kuàn-sì ū lí tuì guá hó
青春換思念的路
tshing-tshun uānn su-liām ê lōo
頭鬃鬢白
thâu-tsang pìn pe̍h
心如當初
sim jû tong-tshoo
絚絚牽著你的手
ân-ân khan-tio̍h lí ê tshiú
一生共度
it-sing kiōng-tōo
