難忘的情人

《難忘的情人》Lân-bōng ê Tsîng-jîn
陳一郎Tân It-lông
——————————————
想起咱兩人離別時
siūnn-khí lán nn̄g-lâng lî-pia̍t sî
心酸目屎強欲滴
sim-sng ba̍k-sái kiōng-bueh tih
雨毛毛落到半暝
hōo mn̂g-mn̂g lo̍h kàu puànn-mî
引阮心稀微
ín gún sim hi-bî
山盟海誓
san-bîng hái-sè
毋願分離
m̄-guān hun-lî
怎樣會做你去
tsuánn-iūnn ē tsuè lí khì
留予我傷心回憶
lâu hōo guá siong-sim huê-ik
加添心哀悲
ka-thiam sim ai-pi
想起咱兩人的情意
siūnn-khí lán nn̄g-lâng ê tsîng-ì
如今孤單心稀微
jû-kim koo-tuann sim hi-bî
你對阮此情不移
lí tuì gún tshú tsîng put-î
因何放袂記
in-hô pàng buē-kì
雖然你是薄情忘義
sui-jiân lí sī po̍k-tsîng bōng-gī
阮猶原愛著你
gún iu-guân ài tio̍h lí
日佮暝思念著你
ji̍t kah mî su-liām tio̍h lí
加添心傷悲
ka-thiam sim siong-pi

您可能也會喜歡…

跳至工具列