感動的心聲
《感動的心聲》Kám-tōng ê Sim-siann
郭忠祐Kueh Tiong-iū
——————————————
一个人恬恬咧吼
tsi̍t-ê-lang tiām-tiām teh háu
為無愛你的人困擾
uī bô-ài lí ê lâng khùn-jiáu
阮聽你慢慢投
gún thiann lí bān-bān tâu
哭過的清醒較重要
khàu–kuè ê tshing-tshínn khah tiōng-iàu
看著你歡喜甲哭
khuànn-tio̍h lí huann-hí kah khàu
敢有快樂代誌來哭
kám ū khuài-lo̍k tāi-tsì lâi khàu
大聲笑出
tuā-siann khàu-tshut
攏莫有煩惱
lóng mài ū huân-ló
心疼你悲傷流的目屎
sim-thiànn lí pi-siong lâu ê ba̍k-sái
有傷心的故事佮悲哀
ū siong-sim ê kòo-sū kah pi-ai
毋管是放下抑是忍耐
m̄-kuán sī hòng-hā ia̍h-sī jím-nāi
總是會過去
tsóng–sī ē kuè–khì
莫閣來
mài koh lâi
佮意你歡喜流的目屎
kah-ì lí huann-hí lâu ê ba̍k-sái
有滿滿的感動在心內
ū muá-muá ê kám-tōng tsāi sim-lāi
毋管是這馬抑是未來
m̄-kuán sī tsit-má ia̍h-sī bī-lâi
攏笑咍咍
lóng tshiò hai-hai
