情關難過
《情關難過》Tsîng-kuan Lân Kuè
彭正Phênn Tsìng
——————————————
想起彼當時
siūnn-khí hit-tong-sî
你講我是你的天
lí kóng guá sī lí ê thinn
是你陪我行過生死
sī lí puê guá kiânn kuè senn-sí
猶原會記彼一暝
iu-guân ē-kì hit-tsi̍t-mî
無意中彼張相片
bô-ì-tiong hit tiunn siòng-phìnn
咱的愛情已經加一个伊
lán ê ài-tsîng í-king ke tsi̍t-ê i
啊~經過幾若年
ah~ king-kuè kuí-lō nî
猶原留著刺疼的空喙
iu-guân lâu tio̍h tshì-thiànnê khang-tshuì
當初你的誓言
tong-tshoo lí ê sè-giân
如今隨風吹
jû-kim suî hong tshue
真心予你出賣
tsin-sim hōo lí tshut-bē
最後傷甲澈底
tsuè-āu siong kah thiat-té
毋甘放開你的手
m̄-kam pàng-khui lí ê tshiú
嘛著放你自由飛
mā tio̍h pàng lí tsū-iû pue
敢是痴心的人
kám-sī tshi-sim ê lâng
註定情關難過
tsù-tiānn tsîng-kuan lân kuè
