期待你的愛
《期待你的愛》Kî-thāi Lí ê Ài
海蘭Hái-lân
——————————————
你對我有心有意
lí tuì guá ū-sim iú-ì
我了解
guá liáu-kái
可惜講話吞吞吐吐
khó-sioh kóng-uē thun-thun-thòo-thòo
毋敢求愛
m̄-kánn kiû-ài
請你趕緊表情愛
tshiánn lí kuánn-kín piáu tsîng-ài
我暗中咧期待
guá àm-tiong teh kî-thāi
我對你心懸心低
guá tuì lí sim kuân sim kē
等求愛
tán kiû-ài
對你講話緊緊張張
tuì lí kóng-uē kín-kín-tiunn-tiunn
暗示情愛
àm-sī tsîng-ài
若毋趕緊表情愛
nā m̄ kuánn-kín piáu tsîng-ài
你是故意當做毋知
lí sī kòo-ì tòng-tsuè m̄-tsai
愛情本來是非常怪奇
ài-tsîng pún-lâi sī hui-siông kuài-kî
有時歡有時悲
ū-sî huan ū-sî pi
男兒也無法占便宜
lâm-jî iā bô-huat tsiàm pân-gî
只有兩人心相印
tsí-ū nn̄g-lâng sim siong-ìn
你對我有心有意
lí tuì guá ū-sim iú-ì
我無疑
guá bô-gî
何必態度偷偷摸摸
hô-pit thāi-tōo thau-thau-moo-moo
毋敢表示
m̄-kánn piáu-sī
愛情信心無地比
ài-tsîng sìn-sim bô-tè pí
金錢地位
kim-tsînn tē-uī
有啥稀奇
ū siánn hi-kî
愛情本來是非常怪奇
ài-tsîng pún-lâi sī-hui tshiâng kuài-kî
有時歡有時悲
ū-sî huan ū-sî pi
男兒也無法占便宜
lâm-jî iā bô-huat tsiàm pân-gî
只有兩人心相印
tsí-ū nn̄g-lâng sim siong-ìn
我對你無暝無日
guá tuì lí bô-mî-bô-ji̍t
等求愛
tán kiû-ài
講話改變輕輕鬆鬆輕鬆
kóng-uē kái-piàn khin-khin-sang-sang
表示情愛
piáu-sī tsîng-ài
應該趕緊表情愛
ìng-kai kuánn-kín piáu tsîng-ài
我的心肝你敢毋知
guá ê sim-kuann lí kám m̄-tsai
—
應該趕緊表情愛
ìng-kai kuánn-kín piáu tsîng-ài
我的心肝你敢毋知
guá ê sim-kuann lí kám m̄-tsai
