愛是啥物
《愛是啥物》Ài Sī Siánn-mih
張秀卿Tiunn Siù-khing
——————————————
花開清芳氣
hue khui tshing-phang khuì
蝴蝶成雙對
ôo-tia̍p sîng-siang-tuì
咱的愛顛倒反
lán ê ài tian-tò-píng
雲中月當圓
hûn-tiong gue̍h tng înn
天星伴相隨
thinn-tshinn phuānn-sio-suî
你將愛來變形
lí tsiong ài lâi piàn-hîng
予你真情意
hōo lí tsin tsîng-ì
反面講再見
huán-bīn kóng tsài-kìnn
咱這段算啥物
lán tsit tuānn sǹg siánn-mih
無人通安慰
bô-lâng thang an-uì
強欲喘無氣
kiōng-beh tshuán bô-khuì
厭氣啦愈想愈凝
iàn-khì–lah jú siūnn jú gîng
愛是啥物
ài sī siánn-mih
愛到茫茫渺渺隨在伊
ài kàu bông-bông-biáu-biáu suî-tsāi i
愛是啥物
ài sī siánn-mih
愛到日日夜夜珠淚滴
ài kàu ji̍t-ji̍t-iā-iā tsu-luī tih
愛是啥物
ài sī siánn-mih
愛到何時會當見光明
ài kàu hô-sî ē-tàng kìnn kong-bîng
愛無藥通醫
ài bô io̍h thang i
心內必巡按怎紩
sim-lāi pit-sûn án-tsuánn thīnn
分袂清是夢是真
hun buē-tshing sī bāng sī tsin
是戇抑痴情
sī gōng ia̍h tshi-tsîng
多情人無個性
to-tsîng-lâng bô kò-sìng
已經無可能
í-king bô khó-lîng
毋知通死心
m̄-tsai thang sí-sim
我閣佇遮苦苦相思
guá koh tī tsia khóo-khóo siunn-si
到如今愛冷冰冰
kàu jû-kim ài líng ping-ping
當初的約定
tong-tshoo ê iok-tīng
是啥人來答應
sī siánn-lâng lâi tah-ìng
美麗的錯誤
bí-lē ê tshò-gōo
怪我耳空輕
kuài guá hīnn-khang-khin
踮情海夢中
tiàm tsîng-hái bāng-tiong
我太認真
guá thài jīn-tsin
