阿娟佮阿福
《阿娟佮阿福》A-kuan Kah A-hok
林芝玉Lîm Tsi-gio̍k
——————————————
我問你一句話
guá mn̄g lí tsi̍t-kù uē
用手來表示
iōng tshiú lâi piáu-sī
你問我愛是啥物
lí mn̄g guá ài sī siánn-mi̍h
用手回答你
Iōng tshiú huê-tap lí
將心比心傳情意
tsiong-sim pí-sim thuân tsîng-ì
勝過千言萬語
sìng-kuè tshian-giân bān-gí
雖然有苦也有甜
sui-jiân ū khóo iā ū tinn
多少悲歡歲月
to-siáu pi-huan suè-gua̍t
陪伴我佮你
puê-phuānn guá kah lí
