踅夜市
《踅夜市》Se̍h Iā-tshī
林清國Lîm Tshing-kok
——————————————
繁華的夜街市
huân-huâ ê iā ke-tshī
人山人海滿滿是
jîn-san jîn-hái muá-muá-sī
親情朋友佮兄弟
tshin-tsiânn pîng-iú kah hiann-tī
相招相𤆬來踅夜市
sio-tsio sio-tshuā lâi se̍h iā-tshī
有賣○○佮○○
ū buē ? ? kah ? ?
也有賣牛排佮花枝
iā ū buē gû-pâi kah hue-ki
有薟的也有甜
ū hiam–ê iā ū tinn
也有酸鹹甘苦味
iā ū sng-kiâm kam-khóo bī
只要有佮意
tsí-iàu ū kah-ì
請你來試鹹甜
tshiánn lí lâi tshì kiâm-tinn
啊~滿街音樂人聲
ah~ muá-ke im-ga̍k lâng-siann
燈光閃閃爍
ting-kng siám-siám-sih
有食有掠
ū tsia̍h ū lia̍h
逐家來笑嘻嘻
ta̍k-ke lâi tshiò hi-hi
綴著音樂
tuè tio̍h im-ga̍k
跤步踅來又踅去
kha-pōo se̍h-lâi iū se̍h-khì
最後買這塊音樂帶
tsuè-āu bé tsit tè im-ga̍k-tuà
來綴著音樂聲
lâi tuè tio̍h im-ga̍k-siann
來唸歌詩
lâi liām kua-si
