為將來
《為將來》Uī Tsiong-lâi
林清國Lîm Tshing-kok
——————————————
啊~雖然人生是海海
ah~ sui-jiân jîn-sing sī hái-hái
啊~想予清楚才應該
ah~ siūnn hōo tshing-tshó tsiah ing-kai
有人出手真海派
ū-lâng tshut-tshiú tsin hái-phài
花花世界一直開
hua-hua sè-kài it-ti̍t khai
醉生夢死烏白來
tsuì-sing bāng-sí oo-pe̍h-lâi
爸母為伊流目屎
pē-bú uī i lâu ba̍k-sái
啊~放蕩的人生
ah~ hòng-tōng ê jîn-sing
無實在
bô si̍t-tsāi
趁早覺醒
thàn-tsá kak-tshínn
想看覓
siūnn khuànn-māi
有孝才應該
iú-hàu tsiah ing-kai
趁錢儉起來
thàn-tsînn khiām–khí-lâi
為情為愛為將來
uī tsîng uī ài uī tsiong-lâi
