朋友情
《朋友情》Pîng-iú Tsîng
林清國Lîm Tshing-kok
——————————————
朋友做伙憑交情
pîng-iú tsuè-hué pîn kau-tsîng
人情義理做代先
jîn-tsîng gī-lí tsuè tāi-sing
你我互相來尊敬
lí guá hōo-siong lâi tsun-kìng
站節著愛有分明
tsām-tsat tio̍h-ài ū hun-bîng
多變的人生
to-piàn ê jîn-sing
有時嘛起風湧
ū-sî mā khí hong-íng
成功失敗三不等
sîng-kong sit-pāi sam-put-tíng
毋通來失志
m̄-thang lâi sit-tsì
毋通來心凝
m̄-thang lâi sim gîng
怨嘆嘛無路用
uàn-thàn mā bô-lōo-īng
朋友若肯鬥相楗
pîng-iú nā khíng tàu sann-kīng
較贏一人捙跋反
khah-iânn tsi̍t-lâng tshia-pua̍h-píng
