萬星之主紫微帝
《萬星之主紫微帝》Bān-sing tsi Tsú Tsí-bî-tè
江志豐Kang Tsì-hong
黃新皓N̂g Sin-hō
——————————————
七星劍中斬魔妖
tshit-tshinn-kiàm tiong tsám môo-iau
紫微騰現風雲變
Tsí-bî thîng-hiān hong-hûn piàn
通天指上意通天
thong-thian tsí siōng ì thong-thian
聖輝常照九州地
sìng-hui siông tsiàu kiú-tsiu tē
下凡明君開盛世
hā-huān bîng-kun khai sīng-sè
文武賢臣輔萬歲
bûn-bú hiân-sîn hú bān-suè
靈感指引佑百姓
lîng-kám tsí-ín iū peh-sènn
統御四象定中天
thóng-gū sù-siōng tīng tiong-thian
紫微星君
Tsí-bî-tshinn-kun
眾星朝會
tsiòng-tshinn tiâu-huē
武相威儀
bú-siòng ui-gî
庇佑萬世
pì-iū bān-sè
緣自彰化三汴頭
iân tsū Tsiong-huà Sam-pán-thâu
六月二八迎大帝
la̍k-gue̍h jī-peh ngiâ Tāi-tè
親尋艋舺自機緣
tshin sîm Báng-kah tsū ki-iân
星光永照金義殿
tshinn-kong íng tsiàu Kim-gī-tiān
