毋通予人看袂起
《毋通予人看袂起》M̄-thang Hōo-lâng Khuànn-buē-khí
白文文Pe̍h Bûn-bûn
——————————————
一粒流星掛天邊
tsi̍t-lia̍p liû-tshinn kuà thinn-pinn
可比對阮指示
khó-pí tuì gún tsí-sī
做人著愛知道理
tsuè-lâng tio̍h-ài tsai tō-lí
放蕩無了時
hòng-tōng bô-liáu-sî
朋友鬥陣重情義
pîng-iú tàu-tīn tiōng tsîng-gī
毋通來用心機
m̄-thang lâi iōng sim-ki
啊~虛華生活無意義
ah~ hi-hua sing-ua̍h bô ì-gī
應該拍拚向前去
ing-kai phah-piànn hiòng-tsiân khì
夜半路燈閃閃爍
iā-puànn lōo-ting siám-siám-sih
可比對阮暗示
khó-pí tuì gún àm-sī
做人應該有志氣
tsuè-lâng ing-kai ū tsì-khì
一切靠自己
it-tshè khò tsū-kí
若是成功免歡喜
nā sī sîng-kong bián huann-hí
失敗免失志
sit-pāi bián sit-tsì
啊~提出信心佮勇氣
ah~ the̍h tshut sìn-sim kah ióng-khì
毋通予人來輕視
m̄-thang hōo-lâng lâi khin-sī
