五顯傳奇
《五顯傳奇》Ngóo-hián Thuân-kî
江志豐Kang Tsì-hong
——————————————
心內的聲音
sim-lāi ê siann-im
叫我著愛轉去
kiò guá tio̍h-ài tńg–khì
帶著幾分的堅持
tuà tio̍h kuí-hun ê kian-tshî
來到這个生份的記持
lâi-kàu tsit ê tshinn-hūn ê kì-tî
走揣的過程
tsáu-tshuē ê kuè-thîng
難免失去勇氣
lân-bián sit-khì ióng-khì
帶著不安佮懷疑
tuà tio̍h put-an kah huâi-gî
嘛有接受考驗的準備
mā ū tsiap-siū khó-giām ê tsún-pī
總算了解
tsóng-sǹg liáu-kái
自己性命的開始
tsū-kí sìnn-miā ê khai-sí
總算了解
tsóng-sǹg liáu-kái
真情拆袂離
tsin-tsîng thiah buē-lī
陣陣掌聲
tsūn-tsūn tsiáng-siann
四邊響起
sì-pinn hiáng khí
血汗那滴
hueh-kuānn ná tih
那留下咱的名字
ná lâu-hā lán ê miâ-jī
阮用虔誠寫一首歌詩
gún iōng khiân-sîng siá tsi̍t-siú kua-si
唱出五顯信仰一味
tshiùnn-tshut Ngóo-hián sìn-gióng tsi̍t-bī
陣陣掌聲
tsūn-tsūn tsiáng-siann
四邊響起
sì-pinn hiáng khí
血汗那滴
hueh-kuānn ná tih
那留下咱的名字
ná lâu-hā lán ê miâ-jī
五通神脈分佈千萬里
Ngóo-thong sîn-me̍h hun-pòo tshian-bān lí
看咱創造五顯的傳奇
khuànn lán tshòng-tsō Ngóo-hián ê thuân-kî
