新台幣是一尾魚
《新台幣是一尾魚》Sin-tâi-phiò sī 1 bóe Hî
Baboo樂團
————————————————————
新台票是一尾魚
Sin-tâi-phiò sī tsi̍t bué hî
滑仔瑠瑠閣真𠢕泅
ku̍t-á-liuh-liuh koh tsin gâu siû
新台票是一尾魚
Sin-tâi-phiò sī tsi̍t bué hî
看會著閣食袂著
khuànn ē tio̍h koh tsia̍h bē tio̍h
定定佇咧你的面頭前
tiānn-tiānn tī teh lí ê bīn-thâu-tsîng
泅來泅去哎喲泅來泅去
siû-lâi-siû-khì ài–iō siû-lâi-siû-khì
泅來泅去泅來泅去
siû-lâi-siû-khì siû-lâi-siû-khì
掠袂著蓋冤枉喔
lia̍h bē tio̍h kài uan-óng–ooh
（泅來泅去泅來泅去）*6
(siû-lâi-siû-khì siû-lâi-siû-khì) *6
新台票是一尾魚
Sin-tâi-phiò sī tsi̍t bué hî
有人嫌臭臊嘛有人興趣趣喔
ū-lâng hiâm tshàu-tsho mā ū-lâng hìng-tshù-tshù–ooh
（欶欶！也欶欶欶！枵鬼囡仔流喙瀾）*2
(suh suh! ā suh suh suh! iau-kuí gín-á lâu-tshuì-nuā) *2
『新啊台幣』是一尾魚
Sin-á Thâi-pí sī tsi̍t bué hî
罕得來咱遮行–一下
hán-tit lâi lán tsia kiânn–tsi̍t-ē
定定嘛去園遐坐規晡
tiānn-tiānn mā khì hn̂g hia tsē kui-poo
親像蹛咧隔壁先生
tshin-tshiūnn tuà teh keh-piah sian-sinn
伊三不五時哎喲一年迵天
i sam-put-gōo-sî ài–iō tsi̍t-nî thàng thinn
（三不五時一年迵天）*2
(sam-put-gōo-sî tsi̍t-nî thàng thinn) *2
大尾魚哈哈哈！是滿厝間喔
tuā-bué-hî hah hah hah! sī muá tshù-king–ooh
（濟濟愛抐透底）
(tsē tsē ài lā thàu-té)
（錢多多人風騷）
(tsînn to-to lâng hong-so)
（濟濟愛閣較濟）
(tsē tsē ài koh khah-tsē)
（錢緊來啊錢緊來啊）
(tsînn kín-lâi–ah tsînn kín-lâi–ah)
（閣較濟嘛無關係）
(koh khah-tsē mā bô-kuan-hē)
新台票是一尾魚
Sin-tâi-phiò sī tsi̍t bué hî
滑仔瑠瑠閣真𠢕泅
ku̍t-á-liuh-liuh koh tsin gâu siû
（泅泅！也泅泅泅！毋知欲泅對佗位去）*2
(siû siû! ā siû siû siû! m̄ tsai beh siû tuì tó-uī khì) *2
喂！少年–的你毋捌沐仔過水
ué! siàu-liân–ê lí m̄-bat bak-á kuè tsuì
頭一擺就想欲去釣仔大魚喔
thâu-tsi̍t-pái to̍h siūnn beh khì tiò-á tuā-hî–ooh
（猴猴猴囡仔你跋落水底是冷吱吱喔）
(kâu kâu kâu-gín-á lí pua̍h-lo̍h tsuí-té sī líng-ki-ki–ooh)
（猴猴猴囡仔你跋落水底是冷仔吱吱）
(kâu kâu kâu-gín-á lí pua̍h-lo̍h tsuí-té sī líng-á-ki-ki)
『新台幣』是一尾魚
Sin-thâi-pí sī jú-lâi-jú tuā-bué
飼到肥朒朒閣活跳跳
tshī kah puî-tsut-tsut koh ua̍h-thiàu-thiàu
害咱對面彼个仔同志
hāi lán tuì-bīn hit-ê-á tông-tsì
日時也想暝時嘛想
ji̍t-sî iā siūnn mê-sî mā siūnn
日也想喔暝嘛想喔
ji̍t ā siūnn–ooh mê mā siūnn–ooh
日也想喔暝嘛想喔
ji̍t ā siūnn–ooh mê mā siūnn–ooh
喙開開欲活活吞–落去
tshuì khui-khui beh ua̍h-ua̍h thun–lo̍h-khì
伊喙瀾硞硞滴
i tshuì-nuā kho̍k-kho̍k tih
（泅泅！也泅泅泅！毋知欲泅對佗位去）*4
(siû siû! ā siû siû siû! m̄ tsai beh siû tuì tó-uī khì) *4
新台票是一尾魚
Sin-tâi-phiò sī tsi̍t bué hî
