看破人生
《看破人生》Khuànn-phuà Jîn-sing
蘇嬿子Soo Iàn-tsú
——————————————
多情城市心茫茫
to-tsîng siânn-tshī sim bâng-bâng
悲歡離合啥人參
pi huan lī ha̍h siánn-lâng tsham
世情冷暖名利崁
sè-tsîng líng-luán bîng-lī khàm
哀怨人生一站站
ai-uàn jîn-sing tsi̍t-tsām-tsām
親情義理哪通放
tshin-tsiânn gī-lí ná thang pàng
纏綿相思寄心窗
tînn-mî siunn-si kià sim-thang
感謝天地賜福望
kám-siā thinn-tē sù hok-bāng
自由自在快樂帆
tsū-iû tsū-tsāi khuài-lo̍k phâng
啊~人生海海若眠夢
ah~ jîn-sing hái-hái ná bîn-bāng
來也空空去也空
lâi iā khang-khang khì iā khang
把握當今有緣人
pá-ak tong-kim ū-iân lâng
有緣做伙共相送
ū-iân tsò-hué kiōng sio-sàng
生生世世的願望
sing-sing-sè-sè ê guān-bāng
看破人生
khuànn-phuà jîn-sing
飄撇的人
phiau-phiat ê lâng
