最愛的媽媽
《最愛的媽媽》Tsuè Ài ê Má-mah
蔡淑雲Tshuà Siok-hûn
——————————————
感謝你
kám-siā lí
予我你的愛
hōo guá lí ê ài
付出著一切
hù-tshut tio̍h it-tshè
囥咧心肝內
khǹg teh sim-kuann-lāi
毋捌喝過苦
m̄-bat huah kuè khóo
無論透風抑落雨
bô-lūn thàu-hong ia̍h lo̍h-hōo
你是阮永遠的倚靠
lí sī gún íng-uán ê uá-khò
雖然毋捌講過愛你
sui-jiân m̄-bat kóng kuè ài lí
毋捌講出多謝你
m̄-bat kóng-tshut to-siā lí
無惜一切
bô-sioh it-tshè
用心來共阮晟
iōng-sim lâi kā gún tshiânn
感謝你養育我
kám-siā lí ióng-io̍k guá
無論風雨有偌大
bô-lūn hong-hōo ū guā tuā
你永遠是我最愛的媽媽
lí íng-uán sī guá tsuè ài ê má-mah
