掌握
《掌握》Tsióng-ak
蔡素娟Tshuà Sòo-kuan
——————————————
成功免大聲
sîng-kong bián tuā-siann
失敗也毋免驚惶
sit-pāi iā m̄-bián kiann-hiânn
人生起起落落
jîn-sing khí-khí-lo̍h-lo̍h
親像海湧彼一般
tshin-tshiūnn hái-íng hit tsi̍t-puann
人賭一口氣
lâng tóo tsi̍t-kháu-khuì
誰輸誰贏
siáng su siáng iânn
毋知影
m̄ tsai-iánn
失敗重頭起
sit-pāi tîng-thâu khí
無算啥
bô sǹg siánn
只要有骨氣
tsí-iàu ū kut-khì
啥物攏毋驚
siánn-mih lóng m̄-kiann
一枝草一點露
tsi̍t-ki tsháu tsi̍t-tiám lōo
人生靠拍拚
jîn-sing khò phah-piànn
勇敢掰開頭前的風飛沙
ióng-kám pué-khui thâu-tsîng ê hong-pue-sua
無論波浪有偌大
bô-lūn pho-lōng ū guā tuā
我嘛欲繼續行
guá mā beh kè-sio̍k kiânn
爭取成功好名聲
tsing-tshú sîng-kong hó miâ-siann
無論人情親像紙
bô-lūn jîn-tsîng tshin-tshiūnn tsuá
我嘛欲向前行
guá mā beh hiòng-tsiân kiânn
堅持就是我的名
kian-tshî tiō-sī guá ê miâ
是輸是贏
sī su sī iânn
掌握佇咱的手啦
tsióng-ak tī lán ê tshiú–lah
