天國再緣
《天國再緣》Than-kok Tsài Iân
琴伶Khîm-lîng
——————————————
窗外所照的今暝的月眉
thang-guā sóo tsiò ê kim-mî ê gue̍h-bâi
予阮感覺著悲嘆在心內
hōo gún kám-kak tio̍h pi-thàn tsāi sim-lāi
江中的漁火也親像目屎
kang-tiong ê hîr-hér iā tshin-tshiūnn ba̍k-sái
兩人愛情袂得通推排
nn̄g-lâng ài-tsîng buē-tit thang tshui-pâi
萬一你若是嫁出予別人
bān-it lí nā-sī kè tshut hōo pa̍t-lâng
你咱敢會得活在這世間
lí lán kám ē-tit ua̍h tsāi tsit sè-kan
我的所拍算單獨有一項
guá ê sóo phah-sǹg tan-to̍k ū tsi̍t-hāng
只好到天國放捒一世人
tsí-hó kàu thian-kok pàng-sak tsi̍t-sì-lâng
兩个愛情實在是神聖
nn̄g-ê ài-tsîng si̍t-tsāi sī sîn-sìng
神明也的確會共咱證明
sîn-bîng iā tik-khak ē kā lán tsìng-bîng
咱也是甘願一切來犧牲
lán iā-sī kam-guān it-tshè lâi hi-sing
無論到後世也毋分兩爿
bô-lūn kàu āu-sè iā m̄ hun lióng-pîng
一切希望已經也消無
it-tshè hi-bāng í-king iā siau-bô
失戀的末路像著樹葉落
sit-luân ê bua̍t-lōo tshiūnn tio̍h tshiū-hio̍h lo̍h
四面靜摺摺想著心就慒
sì-bīn tsīng tsih-tsih siūnn-tio̍h sim tsiū tso
波浪也吼出怨嘆的音波
pho-lōng iā háu tshut uàn-thàn ê im-pho
