可愛故鄉再會吧
《可愛故鄉再會吧》Khó-ài Kòo-hiong Tsài-huē–pah
黃克林N̂g Khik-lîm
——————————————
為環境來所致
uī khuân-kíng lâi sóo-tì
逼我離鄉里
pik guá lī hiong-lí
心愛的人咧傷悲
sim-ài ê lâng teh siong-pi
毋甘拆分離
m̄-kam thiah hun-lî
為著將來的代誌
uī-tio̍h tsiong-lâi ê tāi-tsì
猶原不得已
iu-guân put-tik-í
啊~請你保重唷
ah~ tshiánn lí pó-tiōng–iooh
再會啦再會啦
tsài-huē–lah tsài-huē–lah
為將來你幸福
uī tsiong-lâi lí hīng-hok
暫時愛離開
tsiām-sî ài lī-khui
夜鶯為咱吼規暝
iā-ing uî lán háu kui-mî
唱出斷腸詩
tshiùnn-tshut tuān-tn̂g-si
忍受滿腹傷心淚
jím-siū muá-pak siong-sim luī
毋通再傷悲
m̄-thang tsài siong-pi
啊~請你放心唷
ah~ tshiánn lí hòng-sim–iooh
再會啦再會啦
tsài-huē–lah tsài-huē–lah
做男兒為前途
tsuè lâm-jî uī tsiân-tôo
毋敢來失志
m̄-kánn lâi sit-tsì
決心流浪揣頭路
kuat-sim liû-lōng tshē-thâu-lōo
也是為著你
iā-sī uī-tio̍h lí
我會認真來拍拚
guá ē jīn-tsin lâi phah-piànn
成功回鄉里
sîng-kong huê hiong-lí
啊~心愛的人唷
ah~ sim-ài ê lâng–iooh
再會啦再會啦
tsài-huē–lah tsài-huē–lah
