臺北揣愛人
《臺北揣愛人》Tâi-pak Tshuē Ài-jîn
郭金發Kueh Kim-huat
——————————————
自從無看見著你
tsū-tsiông bô khuànn-kìnn tio̍h lí
感覺真稀微
kám-kak tsin hi-bî
怎樣曷無來相辭
tsuánn-iūnn ia̍h bô lâi siong-sî
離開阮身邊
lī-khui gún sin-pinn
批信也無留地址
phue-sìn iā bô lâu tē-tsí
叫阮按佗來揣起
kiò gún àn toh lâi tshē-khí
夜夜為你
iā-iā uī lí
睏攏袂去
khùn lóng buē-khì
來去臺北揣你
lâi-khì Tâi-pak tshuē lí
毋知臺北遮爾大
m̄-tsai Tâi-pak tsiah-nī tuā
揣無欲按怎
tshuē-bô beh án-tsuánn
夜風吹來冷佮寒
iā-hong tshue–lâi líng kah kuânn
怨嘆阮無伴
uàn-thàn gún bô-phuānn
傷心的人只有我
siong-sim ê lâng tsí-ū guá
人地生疏無依倚
jîn-tē tshinn-soo bô i-uá
毋好閣再踮遮拖磨
m̄-hó koh-tsài tiàm tsia thua-buâ
轉來去較快活
tńg–lâi-khì khah khuìnn-ua̍h
