美麗愛情詩
《美麗愛情詩》Bí-lē Ài-tsîng Si
莊長明Tsng Tiông-bîng
——————————————
你的喙遮爾甜
lí ê tshuì tsiah-nī tinn
講欲佮阮黏黐黐
kóng beh kah gún liâm-thi-thi
幸福璇石芳玫瑰
hīng-hok suān-tsio̍h phang muî-kuì
敢是愛的陷阱
kám-sī ài ê hām-tsínn
心來縛做堆
sim lâi pa̍k tsuè-tui
紅茶配咖啡
âng-tê phuè ka-pi
一生快樂我佮你
it-sing khuài-lo̍k guá kah lí
蝴蝶鴛鴦伴相隨
ôo-tia̍p uan-iunn phuānn-siong-suî
啊~趁著今夜月光圓
ah~ thàn tio̍h kim-iā gue̍h-kng înn
妹有情來郎有意
mèi yǒu qíng lâi láng yǒu yì
海誓山盟滿天星
hái-sè san-bîng muá-thinn tshinn
寫出美麗愛情詩
siá-tshut bí-lē ài-tsîng si
你是上媠的花蕊
lí sī siōng suí ê hue-luí
疼阮惜阮千萬年
thiànn gún sioh gún tshian-bān nî
