流星羅漢拳
《流星羅漢拳》Liû-tshinn Lô-hàn-kûn
郭金發Kueh Kim-huat
——————————————
流浪天涯走四海
liû-lōng thian-gâi tsáu sù-hái
流星羅漢拳人人愛
liû-tshinn lô-hàn-kûn lâng-lâng ài
除暴安良豪氣概
tû-pok an-liông hô khì-khài
艱難困苦由你來
kan-lân khùn-khóo iû lí lâi
行俠作義
hîng-kiap tsok-gī
毋驚伊三頭六臂偌厲害
m̄-kiann i sam-thiô lio̍k-pì guā lī-hāi
武功蓋世做好代
bú-kong kài-sè tsuè hó-tāi
銅牆鐵壁
tâng-tshiûnn thih-piah
袂當來阻礙
buē-tàng lâi tsóo-gāi
堂堂男性心端正
tông-tông lâm-sìng sim tuan-tsìng
流星羅漢拳人尊敬
liû-tshinn lô-hàn-kûn lâng tsun-kìng
無惜一切來犧牲
bô-sioh it-tshè lâi hi-sing
為著世間造安寧
uī-tio̍h sè-kan tsō an-lîng
奔走天下毋驚死
phun-tsáu thian-hā m̄-kiann sí
勇敢替人打不平
ióng-kám thuè lâng tánn-put-pîng
江湖好漢傳英名
kang-ôo hó-hàn thuân ing-bîng
四海為家
sù-hái uî-ka
光榮過一生
kong-îng kuè it-sing
