愛河悲喜曲
《愛河悲喜曲》Ài-hô Pi-hí Khik
郭金發Kueh Kim-huat
——————————————
茫茫月暗暝
bông-bông ge̍h-àm-mî
又是小雨毛毛落
iū sī sió-hōo mn̂g-mn̂g lo̍h
遙望小漁船
iâu bōng sió hî-tsûn
微微燈火照愛河
bî-bî ting-hué siò ài-hô
歡喜到現在
huann-hí kàu hiān-tsāi
你有誠意對阮好
lí ū sîng-ì tuì gún hó
聽著欲離開
thiann-tio̍h beh lī-khui
予我悲情心齊慒
hōo guá pi-tsîng sim tsiâu tso
暝深又寂靜
mî tshim iū tsi̍k-tsīng
感嘆運命看河水
kám-thàn ūn-miā khuànn hô-tsuí
雖然你所講
sui-jiân lí sóo kóng
毋是永遠的分開
m̄-sī íng-uán ê hun-khui
願意欲忍耐
guān-ì beh jím-nāi
毋過心情強欲碎
m̄-koh sim-tsîng kiōng-beh tshuì
無情的冷風
bô-tsîng ê líng-hong
吹阮暗流傷心淚
tshue gún àm lâu siong-sim luī
過去的做陣
kè-khì ê tsuè-tīn
一段快樂的日子
tsi̍t-tuānn khuài-lo̍k ê ji̍t-tsí
今夜怨單身
kim-iā uàn tuann-sin
愁情不斷在河邊
tshiû-tsîng put-tuān tsāi hô-pinn
望君早回轉
bāng kun tsá huê-tńg
毋通予阮來失意
m̄-thang hōo gún lâi sit-ì
著想阮身中
tio̍h siūnn gún sin-tiong
將近出世的囝兒
tsiong-kūn tshut-sì ê kiánn-jî
