少女的春夢
《少女的春夢》Siàu-lú ê Tshun-bāng
甜咪咪Tinn-mi-mi
——————————————
在夢中佮你相見
tsāi bāng-tiong kah lí sio-kìnn
夢醒看無你
bāng tshínn khuànn-bô lí
聽見著孤鳥叫啼
thiann-kìnn tio̍h koo-tsiáu kiò-thî
難忘夜都市
lân-bōng iā too-tshī
為啥物想你規暝
uī-siánn-mih siūnn lí kui-mî
睏也睏袂去
khùn iā khùn buē-khí
窗外的綿綿小雨
thang-guā ê mî-mî sió-hōo
落也落袂離
lo̍h iā lo̍h buē-lī
想欲挽回你在身邊
siūnn-beh bán-huê lí tsāi sin-pinn
毋知等何時
m̄-tsai tán hô-sî
寒夜的街燈微微
hân-iā ê ke-ting bî-bî
雺霧罩四邊
bông-bū tà sì-pinn
往日的綿綿情意
óng-ji̍t ê mî-mî tsîng-ì
袂當放袂記
bē-tàng pàng-buē-kì
為啥物我的心內
uī-siánn-mih guá ê sim-lāi
總是想著你
tsóng-sī siūnn-tio̍h lí
窗外的陣陣秋風
thang-guā ê tsūn-tsūn tshiu-hong
吹過阮身邊
tshue kuè gún sin-pinn
希望春天花開時
hi-bāng tshun-thinn hue khui sî
佮你來相見
kah lí lâi sio-kìnn
