勸回頭
《勸回頭》Khǹg Huê-thâu
郭金發Kueh Kim-huat
——————————————
結髮夫妻十五冬
kiat-huat hu-tshe tsa̍p-gōo tang
幸福自由真輕鬆
hīng-hok tsū-iû tsin khin-sang
無疑你來變這款
bô-gî lí lâi piàn tsit khuán
家內大細甘願放
ka-lāi tuā-sè kam-guān pàng
你敢毋知阮輕重
lí kám m̄-tsai gún khin-tāng
自你離開揣無人
tsū lí lī-khui tshē-bô lâng
啊~到底你是走佗藏
ah~ tàu-tué lí sī tsáu toh tshàng
恩愛夫妻相尊敬
un-ài hu-tshe sio tsun-kìng
幸福快樂心頭清
hīng-hok khuài-lo̍k sim-thâu tshing
哪會今日變不幸
ná-ē kim-ji̍t piàn put-hīng
家內大細哭不明
ka-lāi tuā-suè khàu put-bîng
你敢毋知阮心情
lí kám m̄-tsai gún sim-tsîng
天邊海角揣無停
thinn-pinn hái-kak tshē bô-thîng
啊~因何逃避毋見面
ah~ in-hô tô-pī m̄ kìnn-bīn
過去夫妻相疼痛
kuè-khì hu-tshe sio thiànn-thàng
幸福美滿無操煩
hīng-hok bí-buán bô tshau-huân
毋願一切變成夢
m̄-guān it-tshè piàn-sîng bāng
家內大細暝日等
ka-lāi tuā-sè mî-ji̍t tán
你敢毋知阮苦慘
lí kám m̄-tsai gún khóo-tshám
趕緊反悔猶未慢
kuánn-kín huán-hué iáu-buē bān
啊~早日轉來通團圓
ah~ tsá-ji̍t tńg-lâi thang thuân-uân
