三更半暝掠水雞
《三更半暝掠水雞》Sann-kinn-puànn-mî Lia̍h Tsuí-ke
郭金發Kueh Kim-huat
——————————————
三更半暝
sann-kinn-puànn-mî
三更過了雞漸啼
sann-kinn kuè-liáu kue tsiām thî
夜風吹來冷吱吱
iā-hong tshue–lâi líng-ki-ki
掠水雞來做生理
lia̍h tsuí-kue lâi tsuè-sing-lí
安份守己過日子
an-hūn-siú-kí kuè ji̍t-tsí
免怨環境無平正
bián uàn khuân-kíng bô pînn tsiànn
免怨做人遐歹命
bián uàn tsuè-lâng hiah pháinn-miā
肯認真佮肯拍拚
khíng jīn-tsin kah khíng phah-piànn
一時困難哪著驚
tsi̍t-sî khùn-lân ná-tio̍h kiann
漸漸行漸漸去
tsiām-tsiām kiânn tsiām-tsiām khì
來到一條溪岸邊
lâi-kàu tsi̍t-tiâu khue-huānn pinn
攑頭一下看落去
gia̍h-thâu tsi̍t-ē khuànn–lo̍h-khì
跤邊一隻水雞蛄
kha pinn tsi̍t-tsiah tsuí-kue-kóo
頭殼又閣激敧敧
thâu-khak iū-koh kik khi-khi
全身充滿了元氣
tsuân-sin tshiong-buán liáu guân-khì
雙跤恬恬行倚去
siang-kha tiām-tiām kiânn uá–khì
雙手雄雄捧落去
siang-tshiú hiông-hiông phóng–lo̍h-khì
原來是一隻烏螿蜍
guân-lâi sī tsi̍t-tsiah oo tsiunn-tsî
