愛情單行道
《愛情單行道》Ài-tsîng Tan-hîng-tō
洪維謙Âng Uî-khiam
——————————————
愛是溫柔美麗的圈套
ài sī un-jiû bí-lē ê khuan-thò
予人有歡喜
hōo-lâng ū huann-hí
有時會失落
ū-sî ē sit-lo̍h
你的名字
lí ê miâ-jī
親像冰冷的監牢
tshin-tshiūnn ping-líng ê kann-lô
對阮感情
tuì gún kám-tsîng
親像有也無
tshin-tshiūnn ū iā bô
咱面對著一條橋
lán bīn-tuì tio̍h tsi̍t-tiâu kiô
你我袂當行過愛情河
lí guá buē-tàng kiânn kuè ài-tsîng hô
進退兩難無倚靠
tsìn-thuè lióng-lân bô uá-khò
心頭慒
sim-thâu tso
愛情可比一條單行道
ài-tsîng khó-pí tsi̍t-tiâu tan-hîng-tō
駛入行出
sái ji̍p kiânn tshut
著看清楚
tio̍h khuànn tshing-tshó
毋驚情變薄
m̄-kiann tsîng piàn po̍h
天涯海角
thian-gâi hái kak
袂出差錯
buē tshut-tsha-tshò
愛情可比一條單行道
ài-tsîng khó-pí tsi̍t-tiâu tan-hîng-tō
雙人互相照顧疼惜
siang-lâng hōo-siong tsiàu-kòo thiànn-sioh
真心才是寶
tsin-sim tsiah-sī pó
總有一工
tsóng ū tsi̍t-kang
會花開好結果
ē hue khui hó kiat-kó
