夫妻平等
《夫妻平等》Hu-tshe Pîng-tíng
邱蘭芬Khu Lân-hun
——————————————
請你聽我勸
tshiánn lí thiann guá khǹg
夫妻愛平等
hu-tshe ài pîng-tíng
互相體貼相尊敬
hōo-siong thé-thiap sio tsun-kìng
好歹愛分明
hó-pháinn ài hun-bîng
共同拍拚共協力
kiōng-tông phah-piànn kiōng hia̍p-li̍k
度過歹環境
tōo-kuè pháinn khuân-kíng
造成美滿的家庭
tsō-sîng bí-buán ê ka-tîng
好好過一生
hó-hó kè it-sing
請你聽我勸
tshiánn lí thiann guá khǹg
咱著愛平靜
lán tio̍h-ài pîng-tsīng
毋通懵懂看眼前
m̄-thang bóng-tóng khuànn gán-tsîng
將來會不幸
tsiong-lâi ē put-hīng
夫妻本是同人生
hu-tshe pún sī tông jîn-sing
何苦分雙爿
hô-khóo hun siang-pîng
造成幸福的家庭
tsō-sîng hīng-hok ê ka-tîng
好好過一生
hó-hó kè it-sing
請你聽我勸
tshiánn lí thiann guá khǹg
心著愛○○
sim tio̍h-ài ? ?
用著倔強的個性
iōng-tio̍h ku̍t-kiông ê kò-sìng
妨害著感情
hông-hāi tio̍h kám-tsîng
時間總是會證明
sî-kan tsóng-sī ē tsìng-bîng
誤會自然清
gōo-huē tsū-jiân tshing
造成快樂的家庭
tsō-sîng khuài-lo̍k ê ka-tîng
好好過一生
hó-hó kè it-sing
