行船人入港
《行船人入港》Kiânn-tsûn-lâng Ji̍p-káng
田青平Tiân Tshing-pîng(甜咪咪Tinn-mi-mi)
——————————————
行船人已經靠岸
kiânn-tsûn-lâng í-king khò-huānn
阮心肝嗶噗彈
gún sim-kuann pi̍t-po̍k-tuānn
歡喜欲佮伊來相會
huann-hí beh kah i lâi siong-huē
毋驚港邊海風寒
m̄-kiann káng-pinn hái-hong kuânn
看見著心愛的人
khuànn-kìnn tio̍h sim-ài ê lâng
踮在船頭岸
tiàm-tsāi tsûn-thâu huānn
雙手來收著漁網
siang-tshiú lâi siu-tio̍h hî-bāng
規身軀重汗
kui sin-khu tāng-kuānn
討海人的生活
thó-hái-lâng ê sing-ua̍h
啊~猶原袂快活
ah~ iu-guân buē khuìnn-ua̍h
行船人入港唷
kiânn-tsûn-lâng ji̍p-káng–iooh
目睭看真清楚
ba̍k-tsiu khuànn tsin tshing-tshó
日夜來思念彼个人
ji̍t-iā lâi su-liām hit ê lâng
就是行船的哥哥
tsiū-sī kiânn-tsûn ê kó-koh
也毋驚海水
iā m̄-kiann hái-tsuí
潑甲規身澹糊糊
phuah kah kui-sin tâm-kôo-kôo
雙跤來踏上船頂
siang-kha lâi ta̍h siōng tsûn-tíng
一步又一步
tsi̍t-pōo iū tsi̍t-pōo
阮已經有覺悟
gún í-king ū kak-ngōo
啊~行船人做某
ah~ kiânn-tsûn-lâng tsuè bóo
