愛的小路等你
《愛的小路等你》Ài ê Sió-lōo Tán Lí
林涵霖Lîm Hâm-lîm
——————————————
想著咱相愛彼當時
siūnn-tio̍h lán siong-ài hit-tang-sî
你陪我做伙看流星
lí puê guá tsuè-hué khuànn liû-tshinn
你的溫柔
lí ê un-jiû
深深感動我的心內
tshim-tshim kám-tōng guá ê sim-lāi
予我心肝內跳袂離
hōo guá sim-kuann-lāi thiàu buē-lī
希望這款的糖甘蜜甜
hi-bāng tsit khuán ê thn̂g-kam bi̍t-tinn
會當永永遠遠
ē-tàng íng-íng-uán-uán
陪我千年萬年
puê guá tshian-nî bān-nî
如今的你
jû-kim ê lí
漂流海角離我萬里
phiau-liû hái-kak lî guá bān-lí
希望你會當知影
hi-bāng lí ē-tàng tsai-iánn
我咧想你
guá teh siūnn lí
無論經過多少歲月
bô-lūn king-kuè to-siáu suè-gua̍t
經過幾年
king-kuè kuí-nî
你的影
lí ê iánn
猶原留佇我的記智
iu-guân lâu tī guá ê kì-tì
希望你毋通放袂記
hi-bāng lí m̄-thang pàng-buē-kì
咱兩人約束的代誌
lán nn̄g-lâng iok-sok ê tāi-tsì
猶原佇愛的小路等你
iu-guân tī ài ê sió-lōo tán lí
