情路步步險
《情路步步險》Tsîng-lōo Pōo-pōo Hiám
林涵霖Lîm Hâm-lîm
——————————————
有人看著你佮伊
ū-lâng khuànn-tio̍h lí kah i
出入成雙
tshut-ji̍p sîng siang
想欲問你
siūnn-beh mn̄g lí
到底伊是你的誰
tàu-té i sī lí ê siáng
是按怎恁
sī-án-tsuánn lín
哪會親蜜相攬
ná ē tshin-bi̍t sio-lám
我的心肝怎會堪
guá ê sim-kuann tsuánn ē-kham
你講只是朋友
lí kóng tsí-sī pîng-iú
毋免疑東疑西
m̄-bián gî-tang-gî-sai
你予我無安全感
lí hōo guá bô an-tsuân-kám
暝暝怨嘆
mî-mî uàn-thàn
閣有啥物代誌
koh ū siánn-mih tāi-tsì
是我毋知影
sī guá m̄ tsai-iánn
是你故意對我來掩崁
sī lí kòo-ì tuì guá lâi am-khàm
感情袂堪得考驗
kám-tsîng buē-kham-tit khó-giām
咱的情路步步險
lán ê tsîng-lōo pōo-pōo hiám
是按怎
sī-án-tsuánn
會行到這个坎站
ē kiânn kàu tsit ê khám-tsām
上煩惱彼一工
siōng huân-ló hit tsi̍t-kang
無願意拄著的局面
bô guān-ì tú-tio̍h ê kio̍k-bīn
已經出現擺佇眼前
í-king tshut-hiān pái tī gán-tsîng
我的心親像刀咧割
guá ê sim tshin-tshiūnn to teh kuah
一捻一捻
tsi̍t-liàm-tsi̍t-liàm
我已經有夠忝
guá í-king ū-kàu thiám
決心來成全
kuat-sim lâi sîng-tsuân
祝福恁相疼痛永遠
tsiok-hok lín sio thiànn-thàng íng-uán
