愛的希望
《愛的希望》Ài ê Hi-bāng
方瑞娥Png Suī-ngôo
——————————————
苦苦的一杯酒
khóo-khóo ê tsi̍t-pue tsiú
較苦啉落腹肚內
khah khóo lim lo̍h pak-tóo-lāi
茫茫又閣來想起
bâng-bâng iū-koh lâi siūnn-khí
過去彼段愛
kè-khì hit tuānn ài
甜蜜的情愛
tinn-bi̍t ê tsîng-ài
難忘的情愛
lân-bōng ê tsîng-ài
不時流連在我腦海內
put-sî liû-liân tsāi guá náu-hái lāi
啊~你敢真正袂了解
ah~ lí kám tsin-tsiànn buē liáu-kái
你敢真正攏毋知
lí kám tsin-tsiànn lóng m̄-tsai
真正攏毋知
tsin-tsiànn lóng m̄-tsai
苦苦的一杯酒
khóo-khóo ê tsi̍t-pue tsiú
加添無限的悲哀
ka-thiam bû-hān ê pi-ai
目屎一滴又一滴
ba̍k-sái tsi̍t-tih iū tsi̍t-tih
滴落酒杯內
tih lo̍h tsiú-pue lāi
無緣的情愛
bô-iân ê tsîng-ài
痛苦的情愛
thòng-khóo ê tsîng-ài
永遠流連在我腦海內
íng-uán liû-liân tsāi guá náu-hái lāi
啊~望你早日會了解
ah~ bāng lí tsá-ji̍t ē liáu-kái
望你早日倒轉來
bāng lí tsá-ji̍t tò-tńg–lâi
早日倒轉來
tsá-ji̍t tò-tńg–lâi
