一个人嘛真快樂
《一个人嘛真快樂》Tsi̍t-ê-lâng Mā Tsin Khuài-lo̍k
丁香Ting-hiong
——————————————
過去的多情
kuè-khì ê to-tsîng
造成今日的錯誤
tsō-sîng kim-ji̍t ê tshò-ngōo
予我迷失自己的跤步
hōo guá bê-sit tsū-kí ê kha-pōo
一陣雨一陣風
tsi̍t-tsūn hōo tsi̍t-tsūn hong
慢慢來覺悟
bān-bān lâi kak-ngōo
愛毋著人
ài m̄-tio̍h lâng
一世人痛苦
tsi̍t-sì-lâng thòng-khóo
一个人嘛真快樂
tsi̍t-ê-lâng mā tsin khuài-lo̍k
自由自在
tsū-iû tsū-tsāi
毋免受約束
m̄-bián siū iok-sok
甘願孤單
kam-guān koo-tuann
甘願寂寞
kam-guān tsi̍k-bo̍k
也免被情被愛來耽誤
iā bián pī tsîng pī ài lâi tam-gōo
一个人嘛真快樂
tsi̍t-ê-lâng mā tsin khuài-lo̍k
無牽無掛
bô-khian-bô-kuà
毋免遮艱苦
m̄-bián tsiah kan-khóo
啊~想彼當時
ah~ siūnn hit-tong-sî
茫茫情路
bông-bông tsîng-lōo
才知啥物叫做
tsiah tsai siánn-mih kiò-tsuè
平凡幸福
pîng-huân hīng-hok
—
啥物叫做平凡幸福
siánn-mih kiò-tsuè pîng-huân hīng-hok
啥物叫做平凡幸福
siánn-mih kiò-tsuè pîng-huân hīng-hok
赤赤赤
tshiah-tshiah-tshiah
