望天來牽成
《望天來牽成》Bāng Thinn Lâi Khan-sîng
王建傑Ông Kiàn-kia̍t
——————————————
用著緊張的心情
iōng tio̍h kín-tiunn ê sim-tsîng
牽著你冰冷的手心
khan-tio̍h lí ping-líng ê tshiú-sim
囥在阮珍惜的胸前
khǹg tsāi gún tin-sioh ê hing-tsîng
暗示著阮的真誠
àm-sī tio̍h gún ê tsin-sîng
看你著驚的面形
khuànn lí tio̍h-kiann ê bīn-hîng
躊躇見笑
tiû-tû kiàn-siàu
等我表明
tán guá piáu-bîng
一句一話聽詳細
tsi̍t-kù tsi̍t-uē thiann siông-sè
這是阮初戀的愛情
tse sī gún tshoo-luân ê ài-tsîng
啊~是真是假
ah~ sī tsin sī ké
分袂清
hun buē-tshing
心事擾亂
sim-sū jiáu-luān
無時閒
bô-sî-îng
毋敢攑頭看你的目神
m̄-kánn gia̍h-thâu khuànn lí ê ba̍k-sîn
望啊望天安排來牽成
bāng–ah bāng thinn an-pâi lâi khan-sîng
