為紅顏
《為紅顏》Uī Hông-gân
達玲Ta̍t-lîng
——————————————
情放袂落
tsîng pàng buē-lo̍h
無伊踮身邊
bô i tiàm sin-pinn
孤單的我
koo-tuann ê guá
毋知今夜佇佗位
m̄-tsai kim-iā tī tó-uī
情海茫茫
tsîng-hái bâng-bâng
想著咱的過去
siūnn-tio̍h lán ê kuè-khì
流落的目屎
lâu–lo̍h ê ba̍k-sái
親像春天的雨水
tshin-tshiūnn tshun-thinn ê hōo-tsuí
啊~痴情攏是為紅顏
ah~ tshi-tsîng lóng-sī uī hông-gân
傷心委屈目箍紅
siong-sim uí-khut ba̍k-khoo âng
啊~紅鸞天星情意動
ah~ âng-luân thinn-tshinn tsîng-ì tāng
夜夜為伊守空房
iā-iā uī i siú khang-pâng
相信總有一工
siong-sìn tsóng ū-tsi̍t-kang
你會輕輕將阮攬
lí ē khin-khin tsiong gún lám
春風吹來紅顏芳
tshun-hong tshue lâi hông-gân phang
