火金蛄
《火金蛄》Hué-kim-koo
林惠忠Lîm Huī-tiong(漳州)
——————————————
天已經漸漸烏
thinn í-king tsiām-tsiām oo
強欲揣無回鄉的路途
kiōng-beh tshuē-bô huê-hiong ê lōo-tôo
心像火燒埔
sim tshiūnn hué-sio-poo
踏著紛亂的跤步
ta̍h-tio̍h hun-luān ê kha-pōo
若無你的陪伴
nā bô lí ê puê-phuānn
你的照顧
lí ê tsiàu-kòo
毋知何時
m̄-tsai hô-sî
才會行完
tsiah ē kiânn uân
這條坎坷路
tsit tiâu khám-khia̍t lōo
你的愛若火金蛄
lí ê ài ná hué-kim-koo
照著阮烏暗的路
tsiò tio̍h gún oo-àm ê lōo
你的情若樹奶糊
lí ê tsîng ná tshiū-ni-kôo
牽阮行出光明路
khan gún kiânn tshut kong-bîng lōo
予阮充滿著信心
hōo gún tshiong-buán tio̍h sìn-sim
充滿著力量
tshiong-buán tio̍h li̍k-liōng
創造好前途
tshòng-tsō hó tsiân-tôo
