問情關
《問情關》Mn̄g Tsîng-kuan
黃燕玉N̂g Iàn-gio̍k(漳州)
——————————————
雙跤跪落地
siang kha kuī lo̍h-tē
問情關怎度過
mn̄g tsîng-kuan tsuánn tōo–kuè
問今生佮來世
mn̄g kim-sing kah lâi-sè
是前世相欠債
sī tsîng-sè sio-khiàm-tsè
情路行袂完
tsîng-lōo kiânn buē-uân
喝扯就來扯
huah tshé tiō lâi tshé
雙手合同齊
siang-tshiú ha̍p tâng-tsê
跋三桮無通過
pua̍h sann-pue bô thong-kuè
無籤詩來解說
bô tshiam-si lâi kái-sueh
阮到底是啥人的
gún tàu-té sī siánn-lâng ê
放阮孤一个
pàng gún koo tsi̍t-ê
親像路邊花
tshin-tshiūnn lōo-pinn hue
想欲問啊問蒼天
siūnn-beh mn̄g–ah mn̄g tshong-thinn
你何苦來創治
lí hô-khóo lâi tshòng-tī
情守幾若年
tsîng siú kuí-lō nî
到底是為啥物
tàu-té sī uī-siánn-mih
對天下願
tuì thinn hē-guān
香爐插三枝
hiunn-lôo tshah sann-ki
求天來指示
kiû thinn lâi tsí-sī
情路何從又何去
tsîng-lōo hô-tsiông iū hô-khì
敢講姻緣簿上
kám-kóng in-iân-phōo siōng
無刻我名字
bô khik guá miâ-jī
