南國花譜
《南國花譜》Lâm-kok Hue-phóo
純純Sûn-sûn(劉清香Lâu Tshing-hiong)
愛愛Ài-ài
豔豔Iām-iām
——————————————
南國欸風啊吹來冷
lâm-kok–eh hong–ah tshue lâi líng
雨啊霎霎落袂停
hōo–ah sap-sap lo̍h buē-thîng
草木青翠在山頂
tsháu-bo̍k tshinn-tshuì tsāi suann-tíng
哪無種在咧阮的厝前
ná bô tsìng tsāi teh gún ê tshù tsîng
蝴蝶欸雙雙佮對對
ôo-tia̍p–eh siang-siang kah tuì-tuì
弓蕉結子雙爿垂
kin-tsio kiat-tsí siang-pîng suî
山崁的花欸遐爾媠
suann-khàm–eh hue teh hiah-nī suí
阮兜花園咧攏袂開
gún tau hue-hn̂g–leh lóng buē khui
南國的溪水直直流
lâm-kok ê khue-tsuí ti̍t-ti̍t lâu
茉莉開透白泡泡
ba̍k-nī khui thàu pe̍h phau-phau
雨啊落煞咧風啊透
hōo–ah lo̍h suah–leh hong–ah thàu
好風無吹咧到阮兜
hó hong bô tshe–leh kàu gún tau
南國欸確是好所在
lâm-kok–eh khak sī hó sóo-tsāi
好花年年照時開
hó hue nî-nî tsiàu-sî khai
山崁的花咧有人愛
suann-khàn ê hue–leh ū-lâng ài
阮兜的花咧無人知
gún tau ê hue–leh bô-lâng tsai
月娘欸愈圓是愈光
ge̍h-niû–eh jú înn sī jú kng
愛情本是較甜糖
ài-tsîng pún sī khah tinn thn̂g
花蕊開在咧對面庄
hue-luí khui tsāi–leh tuì-bīn tsng
阮兜的花咧直直黃
gún tau ê hue–leh ti̍t-ti̍t n̂g
