六月
《六月》La̍k–gue̍h
彬果Pin-kó(泉州)
——————————————
六月的日頭親像火
la̍k–gue̍h ê ji̍t-thâu tshin-tshiūnn hué
阮的心情咧落雪
gún ê sim-tsîng teh lo̍h-seh
風一陣陣吹
hong tsi̍t-tsūn-tsūn tshue
只有心寒佮怨慼
tsí-ū sim hân kah uàn-tsheh
一場痴情
tsi̍t-tiûnn tshi-tsîng
到尾是笑話
kàu-bué sī tshiò-uē
山盟海誓咱捌講過
san-bîng hái-sè lán bat kóng–kuè
如今你煞來反背
jû-kim lí suah lâi huán-puē
敢是前世相欠債
kám-sī tsîng-sè sio-khiàm-tsè
今生是輪迴
kim-sing sī lûn-huê
心碎是代價
sim tshuì sī tāi-kè
無需要挽回
bô su-iàu bán-huê
從此放你自由飛
tsiông-tshú pàng lí tsū-iû pue
我無需要怨天又怨地
guá bô su-iàu uàn-thinn iū uàn-tē
只有證明咱的緣份短
tsí-ū tsìng-bîng lán ê iân-hūn té
