人情若薄紙
《人情若薄紙》Jîn-tsîng Ná Po̍h-tsuá
康國強Khong Kok-kiông(泉州惠安)
——————————————
人生若海湧
lîn-sing ná hái-íng
若山嶺
ná suann-niá
起起落落免驚惶
khí-khí-lo̍h-lo̍h bián kiann-hiânn
成功的時
sîng-kong ê sî
相爭咧扶挺
sio-tsinn teh phôo-thánn
失敗的時
sit-pāi ê sî
無人來行踏
bô-lâng lâi kiânn-ta̍h
人情薄甲若像紙
lên-tsîng po̍h kah ná-tshiūnn tsuá
心內的疼
sim-lāi ê thiànn
無人知影
bô-lâng tsai-iánn
敢講這是我運命
kám-kóng tse sī guá ūn-miā
暫時的失敗
tsiām-sî ê sit-pāi
拍袂倒我
phah buē-tó guá
啊~走傱他鄉討生活
ah~ tsáu-tsông thann-hiong thó sing-ua̍h
閣較艱苦毋敢喝
koh-khah kan-khóo m̄-kánn huah
跤踏實地閣再拚
kha ta̍h si̍t-tē koh-tsài piànn
東山再起予人看
tong-san tsài-khí hōo-lâng khuànn
