等你到底
《等你到底》Tán Lí Kàu Té
何曉婷Hô Hiáu-tîng(漳州)
——————————————
你予我日日思夜夜夢
lí hōo guá ji̍t-ji̍t su iā-iā bāng
毋知過了偌久
m̄-tsai kuè-liáu guā kú
無見你的人
bô kìnn lí ê lâng
日子過了一工閣一工
ji̍t-tsí kuè-liáu tsi̍t-kang koh tsi̍t-kang
毋知等到何時
m̄-tsai tán-kàu hô-sî
你才會回航
lí tsiah ē huê-hâng
你是我心內上愛的人
lí sī guá sim-lāi siōng ài ê lâng
敢講你真正
kám-kóng lí tsin-tsiànn
攏毋知半項
lóng m̄-tsai puànn-hāng
為你滿面珠淚流袂完
uī lí muá-bīn tsu-luī lâu buē-uân
為你食苦為你等
uī lí tsia̍h-khóo uī lí tán
嘛無怨嘆
mā bô uàn-thàn
啊~當初的山盟海誓
ah~ tong-tshoo ê san-bîng hái-sè
我的心早就綴你飛
guá ê sim tsá tiō tuè lí pue
敢是前世相欠債
kám-sī tsîng-sè sio-khiàm-tsè
如今才來分兩地
jû-kim tsiah lâi hun nn̄g-tē
啊~我會堅心等你回
ah~ guá ē kian-sim tán lí huê
我的心攏袂反悔
guá ê sim lóng buē huán-hué
無論山崩抑裂地
bô-lūn suann-pang ia̍h li̍h-tē
我一定等你到底
guá it-tīng tán lí kàu té
